Co ritmo vivo e a habelencia narradora que xa amosara en A medición do mundo, Daniel Kehlmann compón desta volta un mosaico ledo e irónico sobre a sociedade actual. Un actor de cinema que dubida da súa propia existencia, un riquísimo escritor de libros de aparente sabedoría que arrenega do que ensina neles, unha muller que decide morrer e decátase de que a súa vida é unha ficción inventada por outro. Estas nove historias amosan o poder dos medios de comunicación para duplicar o mundo real e a atracción titánica que exerce a celebridade. A nova novela do autor de "A medición do mundo".

Os Monki son unha familia extremadamente intelixente, pero sen pistas de sentido común. Cada vez que enfrontan problemas sinxelos, deciden resolvelos da forma máis complexa.

Na torre da illa de Toralla, en plena ría de Vigo, aparece o cadáver dun saxofonista. O asasinato, dunha crueldade e sangue frío inusitados, vai ser investigado por Leo Caldas, inspector de policía que busca o seu lugar no mundo e que, ademais do seu traballo na comisaría, intervén nun consultorio radiofónico ao que os cidadáns se achegan coas queixas máis diversas. O seu axudante, Rafael Estévez, é un aragonés destinado na cidade, un elemento estraño en terra hostil cun carácter demasiado impetuoso para os seus novos veciños. O caso desenvolverase entre o ambiente cálido e nocturno dos clubs de jazz e a atmosfera tensa e afectada da alta burguesía viguesa. Novela policial salferida de humor e con grandes doses de suspense.

«Animalia» é un proxecto de banda deseñada protagonizado por animais de diversos hábitats. Historias autoconclusivas dunha páxina reunidas en tres entregas: a primeira, «Animalia 1. Verde», localizada na selva; a segunda, «Animalia 2. Branco», no mundo do mar e da auga; e a terceira, protagonizada polos animais domésticos. 
«Animalia» constitúe unha reflexión sobre a humanidade como especie e como civilización, dende as posibilidades que ofrece a caracterización dos animais na súa diversidade.

Na calma da selva, una sucesión de golpes alerta a todos: "Bum, Bum". O león sobresáltase, a xirafa mira con sorpresa, os paxaros asústanse e entón apareceu facendo footing Sara, unha elefanta cunha cinta na cabeza.
" Animalia " é un proxecto de banda deseñada protagonizado por animais de diversos hábitats. Historias autoconclusivas dunha páxina reunidas en tres entregas: a primeira, " Animalia 1. Verde " , localizada na selva; a segunda, " Animalia 2. Branco " , no mundo do mar e da auga; e a terceira, protagonizada polos animais domésticos.
" Animalia " constitúe unha reflexión sobre a humanidade como especie e como civilización, dende as posibilidades que ofrece a caracterización dos animais na súa diversidade.

Na illa de Sardeña, ano 2007. Tres amigos: Licheri, un ex-heroinómano, Pani, que acaba de voltar de Londres, onde viviu unha historia de amor cunha bailarina, e Corda, escritor frustrado con experiencia de perruqueiro en Chelsea. Son ladróns de circunstancias, amantes do rock, das noites en branco, das discotecas e dos amores fugaces. Levan tatuado na pel un destino incerto. Cunha feliz conxunción da lingua cotiá co ritmo hipnótico do blues eléctrico, o escritor sardo Flavio Soriga traza o retrato da mocidade dun país que se busca a si mesmo.

MARCOPOLA, antes de chamarse Marcopola, era unha illa illada no medio do océano, e aburríase moito. Todo cambiou aquela mañá en que un estraño obxecto apareceu na súa praia. Que sería esa cousa tan rara? Para que serviría? Marcopola. A illa remeira é o inicio dunha serie de cómic para os primeiros lectores que seguirá coa publicación de Marcopola e os piratas da Lúa!

¡Que contenta estou, que contenta estou; aos meus cinco merliños comida lles dou?, cantaba mamá merla aos seus cinco filliños. Pero un día pasou por alí unha raposa á que, nada máis velos, lle entraron unas ganas tremendas de papalos...ANTONIO RUBIO adapta para KALANDRAKA este conto popular nunha versión moi especial para os primeiros lectores, con ilustracións realizadas por ISIDRO FERRER, un dos deseñadores gráficos máis importantes do panorama

EN 1863 PUBLICÁBASE CANTARES GALLEGOS DE ROSALíA DE CASTRO, OBRA, DA QUE ESTAMOS CELEBRANDO O CENTO CINCUENTA ANIVERSARIO, QUE SOE CONSIDERARSE COMO OI NICIO DO REXURDIMENTO DA LITERATURA GALEGA.